اسپین( سپورٹس ڈیسک)فیفا ورلڈ کپ 2026 کے فائنل میں اسپین کی شاندار رسائی پر ہسپانوی شاہی خاندان بھی خوشی سے سرشار ہوگیا۔تفصیلات کے مطابق فرانس کو 0-2 سے شکست دینے کے بعد اسپین کی کامیابی کا جشن مناتے ہوئے شاہ فیلیپ ششم، ملکہ لیٹیزیا، شہزادی لیونور اور انفانتا صوفیہ کی ویڈیو سوشل میڈیا پر وائرل ہوگئی۔ہسپانوی شاہی خاندان کے سرکاری سوشل میڈیا اکاؤنٹ سے جاری ویڈیو میں دیکھا جا سکتا ہے کہ شاہی خاندان کے چاروں افراد اسپین کی قومی ٹیم کی جرسی پہن کر صوفے پر بیٹھے میچ کے آخری لمحات دیکھ رہے تھے۔جیسے ہی اسپین کی فتح یقینی ہوئی، شاہی خاندان کے افراد خوشی سے جھوم اٹھے، ایک دوسرے کو گلے لگایا اور ٹیم کی تاریخی کامیابی کا بھرپور جشن منایا۔ویڈیو کے ساتھ جاری پیغام میں قومی ٹیم کی کارکردگی کو سراہتے ہوئے کہا گیا کہ کھلاڑیوں نے ایک بار پھر ثابت کردیا ہے کہ وہ دنیا کی بہترین ٹیموں میں شامل ہیں۔پیغام میں مزید کہا گیا کہ اب پورا ملک اپنی ٹیم کے ساتھ کھڑا ہے اور امید ہے کہ اسپین فائنل میں بھی کامیابی حاصل کرکے عالمی اعزاز اپنے نام کرے گا۔دوسری جانب اسپین کے مختلف شہروں میں بھی شائقین بڑی تعداد میں سڑکوں پر نکل آئے اور ٹیم کی کامیابی کا جشن منایا۔ بعض شائقین فلسطینی پرچم اٹھائے بھی نظر آئے۔امریکی شہر نیویارک میں موجود ہسپانوی شائقین نے بھی اپنی ٹیم کی فتح کا بھرپور انداز میں جشن منایا۔
