فیفا ورلڈ کپ: سوئٹزرلینڈ نے الجزائر کو شکست دے کر راؤنڈ آف 16 میں جگہ بنا لی

برٹش کولمبیا( سپورٹس ڈیسک) فیفا ورلڈ کپ 2026 کے راؤنڈ آف 32 میں سوئٹزرلینڈ نے الجزائر کو 0 کے مقابلے میں 2 گول سے شکست دے کر راؤنڈ آف 16 کے لیے کوالیفائی کر لیا۔وینکوور اسٹیڈیم میں کھیلے گئے میچ میں سوئٹزرلینڈ نے آغاز سے ہی جارحانہ کھیل پیش کیا اور 10ویں منٹ میں ایمبولو نے شاندار گول کر کے ٹیم کو برتری دلائی۔پہلے ہاف میں الجزائر نے واپسی کی کوشش کی، تاہم سوئس دفاع نے اسے زیادہ مواقع نہ دیے اور وقفے تک اسکور 0-1 رہا۔دوسرے ہاف کے آغاز پر 46ویں منٹ میں ڈین نڈوئے نے دوسرا گول کر کے برتری دوگنی کر دی۔ اس کے بعد الجزائر کی ٹیم کوشش کے باوجود اسکور نہ کر سکی اور میچ 0-2 سے سوئٹزرلینڈ کے نام رہا۔اس فتح کے ساتھ سوئٹزرلینڈ مسلسل چوتھی بار ورلڈ کپ کے پری کوارٹر فائنل میں پہنچ گیا ہے، جہاں اس کا مقابلہ کولمبیا اور گھانا کے میچ کی فاتح ٹیم سے ہوگا۔