کابل (مانیٹرنگ ڈیسک) ایرانی ذرائع ابلاغ نے دعویٰ کیا ہے کہ ایران کے شہر مشہد میں سابق افغان صدارتی مشیر احمد خان غوری پر قاتلانہ حملے میں افغان طالبان کی انٹیلی جنس کے ملوث ہونے کے شواہد سامنے آئے ہیں۔ایرانی جریدے ایراف کے مطابق یکم نومبر کو احمد خان غوری کو نشانہ بنانے والا خودکش حملہ آور طالبان انٹیلی جنس کا ایجنٹ تھا، جسے کابل سے براہ راست ہدایات موصول ہوئی تھیں۔رپورٹ میں بتایا گیا ہے کہ حملہ آور نے مہمان بن کر سابق افغان صدارتی مشیر کی رہائش گاہ تک رسائی حاصل کی اور وہاں دھماکا کیا۔ایرانی جریدے کے مطابق اس سے قبل بھی طالبان پر سرحد پار کارروائیوں کے ذریعے ایران میں مقیم سیاستدان معروف غلامی اور سابق افغان جنرل اکرم الدین سری کو نشانہ بنانے کے الزامات عائد کیے جاچکے ہیں۔واضح رہے کہ طالبان انٹیلی جنس کے مبینہ کردار سے متعلق یہ دعوے ایرانی میڈیا کی رپورٹ میں سامنے آئے ہیں۔
سابق افغان عہدیدار پر قاتلانہ حملے میں طالبان انٹیلی جنس ملوث ہونے کا دعویٰ
واپس خبروں پر
Category:
عالمی خبریں