تہران (مانیٹرنگ ڈیسک) ایرانی صدر مسعود پزشکیان نے کہا ہے کہ امریکا اور اسرائیل کو ایران کے خلاف جارحیت اور مبینہ جرائم کا نتیجہ انتخابات میں بھگتنا پڑا ہے، جبکہ یورپی ممالک میں بھی عوام نے جنگ پسندانہ پالیسیوں کی مخالفت کا اظہار کیا ہے۔غیر ملکی میڈیا کے مطابق ترکیہ روانگی سے قبل صحافیوں سے گفتگو کرتے ہوئے مسعود پزشکیان کا کہنا تھا کہ یورپی انتخابات کے نتائج سے بھی واضح ہوگیا ہے کہ عوام اپنے رہنماؤں کے جنگ پسندانہ نظریات کی حمایت نہیں کرتے۔ایرانی صدر نے کہا کہ کوپ 31 اجلاس جنگ، جارحیت اور ماحولیاتی تباہی کے درمیان تعلق کو اجاگر کرنے کا ایک اہم موقع ہے۔ اجلاس کے دوران ایران کے خلاف امریکا اور اسرائیل کی فوجی کارروائیوں اور جنگ کے نتیجے میں ایران سمیت پورے خطے کے ماحول کو پہنچنے والے نقصانات پر تفصیلی بات کی جائے گی۔
امریکا، اسرائیل کو ایران مخالف جارحیت کا خمیازہ انتخابات میں بھگتنا پڑا، ایرانی صدر
واپس خبروں پر
Category:
عالمی خبریں