امریکی کانگریس کی جنگی اختیارات سے متعلق قرارداد منظور، صدر کو فوجی واپسی کی ہدایت

واشنگٹن (مانیٹرنگ ڈیسک) امریکہ میں سینیٹ کی جانب سے جنگی اختیارات سے متعلق حالیہ ووٹنگ کو ایک اہم پیش رفت قرار دیا جا رہا ہے۔امریکی سینیٹ میں پہلی بار کانگریس کے دونوں ایوانوں نے 1973 کے وار پاورز ایکٹ کے تحت ایک ایسی قرارداد منظور کی ہے جس میں صدر کو ہدایت دی گئی ہے کہ وہ امریکی افواج کو دشمنی کی کارروائیوں سے واپس بلائیں۔واشنگٹن ڈی سی میں قائم تنظیم ’’جسٹ فارن پالیسی‘‘ نے ایران کے خلاف جنگ کے خاتمے سے متعلق اس مشترکہ قرارداد کو ایک تاریخی جنگ مخالف سنگ میل قرار دیا ہے۔ایوانِ نمائندگان کی خارجہ امور کمیٹی میں ڈیموکریٹ رہنما گریگوری میکس نے کہا ہے کہ یہ قرارداد قانونی طور پر پابند ہے اور اس پر عمل درآمد ضروری ہوگا، چاہے صدر ڈونلڈ ٹرمپ کچھ بھی کہیں۔انہوں نے مزید کہا کہ وہ اس بات کو یقینی بنانے کے لیے تمام قانونی راستے تلاش کریں گے کہ انتظامیہ کانگریس کے فیصلے پر عمل کرے۔