ٹورنٹو (شوبز ڈیسک) فیفا ورلڈ کپ 2026 کے گروپ ایل کے اہم میچ میں کروشیا نے پاناما کو ایک صفر سے شکست دے دی، جس کے بعد کروشیا نے ایونٹ میں اپنی بقا کی امیدیں برقرار رکھیں جبکہ پاناما ٹورنامنٹ سے باہر ہو گیا۔ٹورنٹو اسٹیڈیم میں کھیلے گئے اس سنسنی خیز مقابلے میں ابتدائی لمحات میں دونوں ٹیمیں گول کرنے میں ناکام رہیں۔ پاناما کی جانب سے چند خطرناک حملے کیے گئے، تاہم کروشیا کے مضبوط دفاع اور گول کیپر ڈومینک لیواکووچ نے شاندار کھیل پیش کرتے ہوئے تمام کوششیں ناکام بنا دیں۔میچ کا واحد اور فیصلہ کن گول 54ویں منٹ میں اینٹے بودیمیر نے کیا۔ مارکو پاسالیچ کی عمدہ موو کے بعد یوشکو اسٹانیشچ کے شاندار کراس پر بودیمیر نے گیند کو جال میں پہنچا کر اپنی ٹیم کو برتری دلائی۔کروشیا نے برتری حاصل کرنے کے بعد مزید مواقع بھی پیدا کیے، تاہم سکور میں اضافہ نہ ہو سکا۔ دوسری جانب پاناما کی ٹیم بھرپور کوششوں کے باوجود گول کرنے میں ناکام رہی۔اس فتح کے ساتھ کروشیا نے گروپ ایل میں اگلے مرحلے تک رسائی کے امکانات برقرار رکھے ہیں، جبکہ پاناما مسلسل دوسری شکست کے بعد عالمی کپ سے باہر ہو گئی ہے۔
