اسلام آباد ( سپورٹس ڈیسک) سابق پاکستانی کرکٹر شعیب اختر کے بڑے بھائی شاہد اختر انتقال کر گئے ہیں۔شعیب اختر نے سوشل میڈیا پلیٹ فارم ایکس (سابق ٹوئٹر) پر اپنے بھائی کے انتقال کی تصدیق کرتے ہوئے بتایا کہ ان کے بڑے بھائی شاہد اختر اللہ تعالیٰ کے حضور واپس چلے گئے ہیں۔اپنے بیان میں شعیب اختر نے مزید کہا کہ شاہد اختر کی نمازِ جنازہ آج بعد نمازِ عصر اسلام آباد کے ایچ-8 علاقے میں ادا کی جائے گی۔
