ممبئی( شوبز ڈیسک) بھارتی اداکار وکی کوشل نے اپنی اہلیہ اور اداکارہ کترینہ کیف کو سالگرہ کے موقع پر منفرد اور محبت بھرے انداز میں مبارکباد دی، جسے مداحوں کی جانب سے خوب پسند کیا جا رہا ہے۔کترینہ کیف کی 43ویں سالگرہ پر وکی کوشل نے سماجی رابطے کی ویب سائٹ انسٹاگرام پر ایک خوبصورت تصویر شیئر کی اور اہلیہ کے لیے دل کو چھو لینے والا پیغام لکھا۔شیئر کی گئی تصویر میں وکی کوشل ایک ہاتھ میں کیک کا ٹکڑا تھامے ہوئے ہیں جبکہ دوسرے ہاتھ سے انہوں نے کترینہ کیف کو گلے لگا رکھا ہے۔ تصویر کے پس منظر میں سالگرہ کی سجاوٹ اور ’’ہیپی برتھ ڈے‘‘ کا بینر بھی نمایاں ہے۔وکی کوشل نے تصویر کے ساتھ مختصر مگر جذباتی الفاظ میں لکھا، "جان، سالگرہ مبارک ہو"، جبکہ پیغام کے ساتھ محبت کے اظہار کے لیے سرخ دل والے ایموجیز بھی شامل کیے۔تصویر میں کترینہ کیف سفید ٹاپ اور ڈینم جیکٹ میں نظر آ رہی ہیں، جبکہ وکی کوشل نے سفید شرٹ پہن رکھی ہے۔ مداحوں نے اس محبت بھرے انداز کو سراہتے ہوئے جوڑے کے لیے نیک خواہشات کا اظہار کیا ہے۔
