کراچی( شوزڈیسک)یاسر نواز اور ان کے بھائی دانش نواز نے اداکارہ فضا علی اور ان کے شوہر اعجاز خان کی وائرل رومانوی ویڈیو کو مزاحیہ انداز میں ری کریئیٹ کرکے سوشل میڈیا پر توجہ حاصل کر لی۔کراچی سے تعلق رکھنے والے اداکار یاسر نواز اور دانش نواز نے فضا علی اور اعجاز خان کی وائرل ویڈیو کے مختلف مناظر کی دلچسپ نقل پیش کی، جس میں دونوں بھائیوں نے شاندار مزاحیہ اداکاری کا مظاہرہ کیا۔اصل وائرل ویڈیو میں فضا علی اپنے شوہر کے کندھے پر سر رکھتی نظر آتی ہیں جبکہ اعجاز خان انہیں پیٹھ پر اٹھا کر پارک میں گھومتے دکھائی دیتے ہیں، جس کے بعد یہ منظر سوشل میڈیا پر کافی زیرِ بحث رہا۔یاسر اور دانش نواز کی پیروڈی ویڈیو کو مداحوں نے خوب سراہا اور اسے مزاحیہ انداز میں بہترین تخلیق قرار دیا۔ سوشل میڈیا صارفین نے اس پر دلچسپ تبصرے بھی کیے اور ویڈیو کو بھرپور انداز میں شیئر کیا۔
