لاہور(شوبز ڈیسک) پاکستان کی معروف اداکارہ یمنیٰ زیدی بھی پرتگال کے عالمی شہرت یافتہ فٹبالر کرسٹیانو رونالڈو کی مداح نکلیں۔ڈرامہ قرضِ جاں کے بعد اسکرین سے دور رہنے والی اداکارہ یمنیٰ زیدی ان دنوں امریکا میں اپنے اہلِ خانہ کے ساتھ وقت گزار رہی ہیں۔اداکارہ نے فیفا ورلڈ کپ کے دوران پرتگال اور اسپین کے درمیان کھیلا جانے والا اہم میچ اسٹیڈیم میں جا کر دیکھا، جس کی جھلکیاں انہوں نے سوشل میڈیا پر بھی شیئر کیں۔یمنیٰ زیدی نے بتایا کہ انہیں فٹبال کے بارے میں زیادہ معلومات نہیں اور اس کھیل سے متعلق ان کا علم صرف تقریباً 10 فیصد ہے، تاہم اسٹیڈیم کا ماحول، شائقین کا جوش و خروش اور میچ کا تجربہ انہیں بے حد پسند آیا۔انہوں نے میچ کے دوران بنائی گئی تصاویر اور ویڈیوز مداحوں کے ساتھ شیئر کرتے ہوئے فٹبال کے عالمی مقابلے سے لطف اندوز ہونے کا اظہار کیا۔واضح رہے کہ پرتگال اور اسپین کے درمیان ہونے والا یہ مقابلہ کرسٹیانو رونالڈو کے ورلڈ کپ کیریئر کا آخری میچ بھی ثابت ہوا۔
