ممبئی( شو بز ڈیسک)بالی ووڈ اداکار عامر خان نے معروف اداکار پردیپ راوت کے انتقال پر گہرے دکھ اور افسوس کا اظہار کرتے ہوئے ان کی اداکاری کو خراج تحسین پیش کیا ہے۔عامر خان نے اپنے بیان میں کہا کہ پردیپ راوت نے بھارتی فلم انڈسٹری میں بے خوفی، محنت اور بھرپور لگن کے ساتھ کام کیا۔فلم گجنی میں پردیپ راوت کے کردار کا ذکر کرتے ہوئے عامر خان نے کہا کہ انہوں نے ولن کا کردار جس شاندار انداز میں ادا کیا، وہ ہمیشہ یاد رکھا جائے گا۔انہوں نے کہا کہ پردیپ راوت کا کردار بھارتی سنیما کے یادگار منفی کرداروں میں شمار ہوتا ہے، جبکہ ان کی بہترین اداکاری نے فلم کی کامیابی میں اہم کردار ادا کیا۔عامر خان کا کہنا تھا کہ پردیپ راوت کے کردار کے بغیر شاید فلم گجنی کو وہ کامیابی نہ ملتی جو اسے حاصل ہوئی۔
