کراچی ( شو بز ڈیسک) پاکستانی شوبز انڈسٹری کی معروف جوڑی اداکارہ ماورا حسین اور اداکار امیر گیلانی کے ہاں بیٹے کی پیدائش ہوئی ہے، جس کا اعلان دونوں نے سوشل میڈیا پر کیا۔ماورا حسین اور امیر گیلانی نے انسٹاگرام پر اپنے مداحوں کے ساتھ خوشخبری شیئر کرتے ہوئے بتایا کہ انہوں نے اپنے نومولود بیٹے کا نام ’سید ازمر حسین کمال گیلانی‘ رکھا ہے۔امیر گیلانی نے اسپتال سے ایک ویڈیو بھی شیئر کی، جس میں وہ اپنے بیٹے کے کان میں اذان دیتے دکھائی دیے۔ ویڈیو میں انہوں نے بچے کے نام ’ازمر‘ کا مطلب بھی بتایا، جس کے مطابق اس کا معنی ’شیر‘ ہے۔واضح رہے کہ ماورا حسین اور امیر گیلانی فروری 2025 میں شادی کے بندھن میں بندھے تھے۔
