کراچی ( شو بز ڈیسک) اداکار ساجد حسن کے بیٹے ساحر حسن کے خلاف منشیات فروشی کے مقدمے میں اہم پیشرفت سامنے آئی ہے، عدالت نے کیس اینٹی نارکوٹکس کورٹ منتقل کر دیا۔ایکسپریس نیوز کے مطابق ڈسٹرکٹ اینڈ سیشن جج ساؤتھ کی عدالت نے ساحر حسن اور ان کے ساتھی ملزم کے خلاف منشیات فروشی کا مقدمہ اینٹی نارکوٹکس کورٹ منتقل کرنے کا حکم دیا۔گزشتہ سماعت کے دوران عدالت نے مقدمے کے تفتیشی افسر اور گواہوں کے قابلِ ضمانت وارنٹِ گرفتاری جاری کیے تھے۔ساحر حسن کو ڈیفنس کے علاقے سے منشیات رکھنے اور سپلائی کرنے کے الزام میں گرفتار کیا گیا تھا۔ تاہم، ساحر حسن اور شریک ملزم ضمانت پر ہیں اور سماعت کے موقع پر عدالت میں پیش ہوئے۔
