ممبئی( شو بز ڈیسک)پاکستانی اداکار شہریار منور کی مقبولیت سرحد پار بھی پہنچ گئی، بھارتی ماڈل اور سوشل میڈیا انفلوئنسر عرفی جاوید نے دبئی میں ان سے ہونے والی ملاقات کا احوال بیان کرتے ہوئے ان کے اخلاق اور خوش مزاجی کی تعریف کی ہے۔عرفی جاوید نے فوٹو اینڈ ویڈیو شیئرنگ پلیٹ فارم انسٹاگرام پر ایک پوسٹ کے کمنٹ میں شہریار منور سے اپنی پہلی ملاقات کی دلچسپ تفصیلات شیئر کیں، جس نے ان پر گہرا اور دیرپا تاثر چھوڑا۔بھارتی ماڈل کے مطابق یہ ملاقات کئی سال قبل دبئی میں فلم فیئر مڈل ایسٹ کی ایک تقریب کے موقع پر ہوئی تھی۔ اس وقت وہ زیادہ مقبول نہیں تھیں اور دونوں ایک ہی ہوٹل میں قیام پذیر تھے۔عرفی جاوید نے بتایا کہ انہوں نے شہریار منور سے تصویر بنوانے کی درخواست کی، تاہم اداکار نے صرف تصویر بنوانے پر اکتفا نہیں کیا بلکہ ان سے گفتگو بھی کی۔ان کے مطابق شہریار منور نے تقریباً 10 سے 15 منٹ تک ان سے بات چیت کی اور اس دوران انتہائی خوش مزاجی اور خوش اخلاقی کا مظاہرہ کیا۔عرفی جاوید کا کہنا تھا کہ شہریار منور کا یہ رویہ انہیں آج بھی یاد ہے، کیونکہ بعض اوقات حسنِ سلوک کا ایک چھوٹا سا مظاہرہ بھی کسی کے ذہن پر دیرپا تاثر چھوڑ جاتا ہے۔
