ممبئی( شوبز ڈیسک) بالی وڈ کے معروف اداکار عامر خان نے اپنے خاندان کے تمام افراد کے لیے ایک بڑی اور شاندار رہائش گاہ تعمیر کرنے کا فیصلہ کیا ہے۔بھارتی میڈیا رپورٹس کے مطابق عامر خان نے ممبئی کے مہنگے علاقے پالی ہل کے قریب واقع بیلا وسٹا اور مرینا اپارٹمنٹس کے دو رہائشی منصوبوں کی ازسرِنو تعمیر کا منصوبہ بنایا ہے۔رپورٹس میں بتایا گیا ہے کہ ان تمام اپارٹمنٹس کو یکجا کر کے ایک بڑی اسکائی ولا تعمیر کی جائے گی، جو عامر خان اور ان کے خاندان کے لیے خصوصی رہائش گاہ ہوگی۔عامر خان پہلے ہی بیلا وسٹا میں متعدد اپارٹمنٹس کے مالک ہیں، جبکہ نئے منصوبے کے لیے تقریباً 100 کروڑ روپے کی سرمایہ کاری کی منصوبہ بندی کر رہے ہیں۔ذرائع کے مطابق نئی رہائش گاہ میں خاندانی تقریبات کے لیے وسیع جگہ کے علاوہ خاندان کے افراد کی ضروریات کے مطابق الگ رہائشی حصے بھی تعمیر کیے جائیں گے۔
