عبداللہ شفیق کو لیڈز ٹیسٹ میں واپسی کا یقین، انگلینڈ کی ابتدائی وکٹیں ہدف

ہیڈنگلے( سپورٹس ڈیسک) پاکستانی بیٹر عبداللہ شفیق نے امید ظاہر کی ہے کہ قومی ٹیم انگلینڈ کے خلاف لیڈز ٹیسٹ کے دوسرے روز ابتدائی وکٹیں حاصل کرکے میچ میں دوبارہ گرفت مضبوط کرسکتی ہے۔عبداللہ شفیق نے کہا کہ ٹیم کو مثبت سوچ کے ساتھ میدان میں اترنا ہوگا، انگلینڈ نے اچھی شراکت قائم کر رکھی ہے تاہم نئے دن کے آغاز کے ساتھ صورتحال تبدیل ہوسکتی ہے۔انہوں نے کہا کہ پاکستان کی کوشش ہوگی کہ دوسرے روز پہلے سیشن میں جلد وکٹیں حاصل کرکے میچ کا رخ بدلا جائے، خاص طور پر جو روٹ اور ہیری بروک کی وکٹیں اہم ہوں گی۔عبداللہ شفیق کا کہنا تھا کہ اگر پاکستان کو ابتدائی کامیابیاں مل گئیں تو قومی ٹیم دوبارہ مقابلے میں واپس آسکتی ہے۔واضح رہے کہ عبداللہ شفیق نے پاکستان کی پہلی اننگز میں 61 رنز کی ذمہ دارانہ اننگز کھیلی، تاہم دیگر بلے باز بڑی اننگز نہ کھیل سکے اور پوری ٹیم 171 رنز پر آؤٹ ہوگئی۔