پیرس( سپورٹس ڈیسک) فرانس کے دارالحکومت پیرس میں حکومت مخالف احتجاج اور ہنگاموں کے باعث پیرس سینٹ جرمین (پی ایس جی) اور اولمپک لیون کے درمیان فٹبال میچ ملتوی کر دیا گیا ہے۔غیر ملکی میڈیا رپورٹس کے مطابق، لیگ ون کی دونوں بڑی ٹیموں کے درمیان مقابلہ اتوار، 25 اکتوبر کو مقامی وقت کے مطابق رات 8 بج کر 45 منٹ پر پارک دے پرنسز اسٹیڈیم میں کھیلا جانا تھا، تاہم پیرس پولیس کے حکم پر اسے ملتوی کرنے کا فیصلہ کیا گیا۔لیون کلب نے سوشل میڈیا پر جاری بیان میں میچ ملتوی ہونے کی تصدیق کرتے ہوئے بتایا کہ یہ مقابلہ لیگ ون میکڈونلڈز کے آٹھویں راؤنڈ کا حصہ تھا۔رپورٹس کے مطابق، لیگ ڈی فٹ بال پروفیشنل (ایل ایف پی) نے لیگ ون پلس کی مشاورت سے میچ کی نئی تاریخ اور وقت مقرر کر دیا ہے۔ اب پی ایس جی اور لیون کے درمیان یہ مقابلہ پیر، 26 اکتوبر کو رات 8 بج کر 30 منٹ پر کھیلا جائے گا۔
