پورٹ آف اسپین( سپورٹس ڈیسک) ویسٹ انڈیز کے خلاف شاندار کارکردگی پر میچ کے بہترین کھلاڑی کا اعزاز حاصل کرنے والے پاکستانی بیٹر عبداللہ شفیق نے کہا ہے کہ وہ ٹیم میں واپسی کے لیے مسلسل محنت کر رہے تھے۔عبداللہ شفیق نے کہا کہ خوش قسمتی سے انہیں موقع ملا، اور انہیں محسوس ہوا جیسے وہ اپنا پہلا ٹیسٹ میچ کھیل رہے ہوں۔ انہوں نے کہا کہ کم بیک ٹیسٹ میں اچھی کارکردگی دکھانا ان کے لیے خوشی کا باعث ہے۔انہوں نے کہا کہ گزشتہ تین، چار ٹیسٹ میچز میں پاکستان کی بیٹنگ کارکردگی توقعات کے مطابق نہیں رہی تھی، تاہم اس میچ میں بیٹنگ بہتر رہی۔عبداللہ شفیق کا کہنا تھا کہ پہلی اننگز میں بابر اعظم کے ساتھ ان کی شراکت داری بہت اہم ثابت ہوئی۔
