لاہور( شوبز ڈیسک)پاکستان کے معروف اداکار احسن خان کے والد رضائے الٰہی سے انتقال کر گئے، جس کی اطلاع اداکار نے سوشل میڈیا پلیٹ فارم انسٹاگرام پر مداحوں کے ساتھ شیئر کی۔احسن خان نے اپنے والد کے ہمراہ چند یادگار تصاویر پوسٹ کرتے ہوئے ان کے انتقال پر ایک جذباتی پیغام بھی تحریر کیا۔اداکار نے لکھا کہ بعض جدائیاں ہمیں زندگی کی سب سے بڑی حقیقت یاد دلاتی ہیں کہ اس دنیا میں کوئی چیز ہمیشہ رہنے والی نہیں اور ہر چیز اللّٰہ ہی کی امانت ہے۔انہوں نے اپنے والد کو ایک بے حد شاندار انسان قرار دیتے ہوئے کہا کہ آج وہ جو کچھ بھی ہیں، اس میں ان کے والد کا بنیادی کردار ہے۔
