اداکار عماد عرفانی کی نئی تصاویر، عمران خان سے غیر معمولی مشابہت نے سوشل میڈیا پر توجہ حاصل کر لی

کراچی( شو بز ڈیسک)پاکستانی شوبز انڈسٹری کے معروف اداکار عماد عرفانی کی نئی تصاویر سوشل میڈیا پر تیزی سے وائرل ہو رہی ہیں، جنہوں نے مداحوں کی خاص توجہ حاصل کر لی ہے۔اداکار نے انسٹاگرام پر لندن سے اپنی نئی تصاویر شیئر کیں، جو دیکھتے ہی دیکھتے مختلف سوشل میڈیا پلیٹ فارمز پر پھیل گئیں۔ان تصاویر میں عماد عرفانی کی شکل و صورت نے صارفین کو ملک کی ایک معروف سیاسی شخصیت کی یاد دلا دی، جس کی بڑی وجہ ان کی بانی پی ٹی آئی عمران خان سے غیر معمولی مشابہت بتائی جا رہی ہے۔سوشل میڈیا صارفین کے مطابق عماد عرفانی کے چہرے کے نقوش پہلے بھی سابق کرکٹر سے کافی حد تک ملتے جلتے رہے ہیں، تاہم ان کے نئے ہیئر اسٹائل کے باعث یہ مشابہت مزید نمایاں ہو گئی ہے۔مداحوں کی جانب سے ان تصاویر پر مختلف دلچسپ تبصرے کیے جا رہے ہیں اور یہ پوسٹس مسلسل وائرل ہو رہی ہیں۔