کراچی( شوبز ڈیسک)پاکستانی اداکارہ فضا علی نے اپنی تیسری شادی کا اعلان کرتے ہوئے بتایا ہے کہ انہوں نے اعجاز خان کے ساتھ سادگی سے ایک نجی تقریب میں نکاح کر لیا ہے۔اداکارہ نے عید الفطر کے پہلے روز اپنے سوشل میڈیا اکاؤنٹ پر تصاویر شیئر کیں جن میں ان کے شوہر اور بیٹی بھی موجود ہیں، تصاویر میں ان کی نئی زندگی کے خوشگوار لمحات نمایاں طور پر نظر آ رہے ہیں۔سادہ مگر دلکش انداز میں لی گئی تصاویر میں فضا علی سیاہ رنگ کے نیم رسمی لباس کے ساتھ بھورے رنگ کا کڑھائی والا دوپٹہ اوڑھے دکھائی دیں جبکہ اعجاز خان سادہ شلوار قمیض اور سیاہ کوٹ میں ملبوس نظر آئے۔اپنے پیغام میں فضا علی نے جذباتی انداز اپناتے ہوئے کہا کہ اکتالیس برس کی عمر میں اللہ نے انہیں وہ محبت اور خوشی عطا کی جس کا وہ طویل عرصے سے انتظار کر رہی تھیں اور اب انہیں اپنا جیون ساتھی مل گیا ہے۔
