لاہور( سپورٹس ڈیسک)سابق قومی کپتان شاہد خان آفریدی نے ٹی ٹوئنٹی ورلڈکپ 2026 میں بھارت کے ہاتھوں پاکستان کی شکست کے بعد کھلاڑیوں کی کارکردگی پر شدید تنقید کرتے ہوئے سینئر کھلاڑیوں کو باہر بٹھانے اور نئے کھلاڑیوں کو موقع دینے کا مطالبہ کر دیا۔راؤنڈ میچ میں بھارت نے 176 رنز کے تعاقب میں قومی ٹیم کو بآسانی شکست دی، جہاں پاکستان کے فاسٹ بولرز اور اسپنرز مکمل طور پر ناکام رہے۔ بلے بازوں میں بھی مایوسی رہی، عثمان خان کے علاوہ کوئی کھلاڑی وکٹ پر زیادہ دیر نہیں ٹکا اور سات کھلاڑی مل کر بھی صرف 20 رنز بنا سکے۔نجی ٹی وی پروگرام میں گفتگو کرتے ہوئے شاہد آفریدی نے کہا کہ قومی ٹیم میں نئے خون کی ضرورت ہے تاکہ مستقبل کے میچوں میں بہتر کارکردگی دیکھنے کو ملے اور شائقین کی توقعات پوری ہوں۔ ان کے مطابق سینئر کھلاڑی اب اپنی جگہ کھو چکے ہیں اور ٹیم کو تازہ دم کھلاڑیوں کے ساتھ مضبوط کیا جانا چاہیے۔
