شلپا شندے کے اعتراف کے بعد اپاسنا سنگھ کی حمایت، عوامی ردعمل میں نرمی کا مطالبہ

ممبئی( شو بز ڈیسک)بھارتی ٹیلی ویژن اداکارہ اپاسنا سنگھ نے اداکارہ شلپا شندے کے حالیہ متنازع بیان کے بعد ان کی حمایت کرتے ہوئے کہا ہے کہ غلطی تسلیم کرنے کے باوجود انہیں منفی انداز میں پیش نہیں کیا جانا چاہیے۔واضح رہے کہ شلپا شندے نے حال ہی میں ایک انٹرویو میں اعتراف کیا تھا کہ تقریباً دس سال قبل پروڈیوسر سنجے آر کوہلی کے خلاف دائر کیا گیا جنسی ہراسانی کا مقدمہ درست نہیں تھا۔اپاسنا سنگھ نے ایک انٹرویو میں کہا کہ شلپا شندے ایک مددگار اور نیک دل شخصیت کی حامل ہیں جو ہمیشہ سیٹ پر جونیئر عملے کی مدد کرتی رہی ہیں۔انہوں نے کہا کہ شلپا نے اپنی غلطی کا برملا اعتراف کیا ہے جو ایک بڑی اخلاقی جرات ہے، اور اس کے باوجود انہیں مکمل طور پر منفی کردار کے طور پر پیش کرنا مناسب نہیں۔اپاسنا سنگھ کے مطابق کسی بھی شخصیت کو اس کے پورے کیریئر اور مجموعی کردار کی روشنی میں دیکھا جانا چاہیے، نہ کہ صرف ایک واقعے کی بنیاد پر۔