اہان پانڈے کا انیت پڈا کو سالگرہ پر محبت بھرا پیغام، کائنات کا تحفہ قرار دے دیا

ممبئی( شو بز ڈیسک)بالی ووڈ اداکار اہان پانڈے نے اداکارہ انیت پڈا کی سالگرہ کے موقع پر محبت اور خلوص سے بھرپور پیغام شیئر کرکے مداحوں کی توجہ حاصل کرلی۔اہان پانڈے نے سماجی رابطے کی ویب سائٹ انسٹاگرام پر انیت پڈا کو سالگرہ کی مبارک باد دیتے ہوئے انہیں کائنات کے لیے ایک انمول تحفہ قرار دیا۔اداکار نے اپنی پوسٹ میں لکھا کہ انیت، تم کائنات کے لیے ایک تحفہ ہو اور تم جس چیز کو چھوتی ہو، وہ ستاروں کی دھول میں بدل جاتی ہے۔انہوں نے مزید لکھا کہ میری دعا ہے کہ کائنات ہمیشہ تمہارے ساتھ اتنی ہی نرمی اور محبت سے پیش آئے، جتنی نرمی تم اس کے ساتھ برتتی ہو۔ تم کبھی یہ نہ بھولنا کہ تم اپنے پیچھے کتنی روشنی چھوڑ جاتی ہو۔اہان پانڈے نے اپنے پیغام کے اختتام پر تین مرتبہ سالگرہ مبارک لکھ کر انیت پڈا کے لیے نیک تمناؤں کا اظہار کیا۔