کراچی( شوبز ڈیسک)پاکستانی اداکار احسن خان نے کہا ہے کہ مردوں کو اپنی بیویوں کو صرف گھریلو ذمہ داریوں تک محدود نہیں رکھنا چاہیے بلکہ انہیں اپنی ذاتی کامیابی اور ترقی کے مواقع بھی فراہم کرنے چاہئیں۔ایک حالیہ انٹرویو میں احسن خان نے کہا کہ اگر شوہر کامیابی حاصل کر رہا ہے تو اسے کوشش کرنی چاہیے کہ اس کی شریکِ حیات بھی اپنی زندگی میں کامیابی اور شناخت حاصل کرے۔انہوں نے کہا کہ ایسا نہیں ہونا چاہیے کہ عورت صرف گھر کے کاموں، بچوں کی پرورش اور سسرال کی ذمہ داریوں میں ہی مصروف ہو کر رہ جائے۔احسن خان کا کہنا تھا کہ اگر کوئی خاتون اپنی صلاحیتوں کے اظہار سے محروم رہ جائے اور ایک ہی دائرے میں محدود ہو جائے تو اس میں شوہر کا کردار بھی اہم ہوتا ہے۔
