لزبن( سپورٹس ڈیسک) آئی ٹی ایف ماسٹرز ورلڈ ٹینس چیمپئن شپ میں پاکستان کے اعصام الحق نے ورلڈ مکسڈ ڈبلز ٹائٹل کامیابی سے اپنے نام برقرار رکھا۔اعصام الحق اور نینا ہرمن نے مکسڈ ڈبلز فائنل میں پرتگال کے فریڈ گل اور ریٹا فریٹاس کو 6-4 اور 6-3 سے شکست دے کر گولڈ میڈل جیت لیا۔مینز ڈبلز میں اعصام الحق اور عقیل خان نے سلور میڈل حاصل کیا، جبکہ پاکستان نے آئی ٹی ایف ماسٹرز ورلڈ چیمپئن شپ میں مجموعی طور پر 4 میڈلز اپنے نام کیے۔
