نئی دہلی( سپورٹس ڈیسک)بھارتی کرکٹر اجنکیا رہانے نے تمام طرز کی کرکٹ سے ریٹائرمنٹ کا اعلان کر دیا، جس کے ساتھ ہی ان کے بین الاقوامی، آئی پی ایل اور ڈومیسٹک کرکٹ کیریئر کا اختتام ہو گیا۔اجنکیا رہانے نے اپنے طویل کیریئر کے دوران بھارت کی نمائندگی کرتے ہوئے 85 ٹیسٹ، 90 ایک روزہ اور 20 ٹی ٹوئنٹی بین الاقوامی میچز کھیلے۔انہوں نے تینوں فارمیٹس میں مجموعی طور پر 8 ہزار سے زائد رنز اسکور کیے۔بھارتی بلے باز نے قومی ٹیم کی جانب سے اپنا آخری ٹیسٹ میچ 2023 میں ویسٹ انڈیز کے خلاف کھیلا، جبکہ آخری ایک روزہ بین الاقوامی میچ 2018 میں انگلینڈ اور آخری ٹی ٹوئنٹی میچ 2016 میں ویسٹ انڈیز کے خلاف کھیلا تھا۔
