ویشنو دیوی یاترا میں اکشے کمار کی جان خطرے میں پڑ گئی، چونکا دینے والا انکشاف

ممبئی( شوبز ڈیسک)بالی ووڈ کے معروف اداکار اکشے کمار نے انکشاف کیا ہے کہ بچپن میں ویشنو دیوی یاترا کے دوران وہ شدید بیمار ہو کر بے ہوش ہو گئے تھے اور ان کی جان کو خطرہ لاحق ہو گیا تھا۔ایک حالیہ گفتگو میں انہوں نے بتایا کہ ان کی پیدائش والدین کی ویشنو دیوی کے مندر میں کی گئی دعاؤں کا نتیجہ تھی، جہاں انہوں نے اولاد کے لیے دعا مانگی تھی اور ایک سال بعد ان کی پیدائش ہوئی۔اکشے کمار کے مطابق پہلی سالگرہ کے بعد والدین انہیں شکرانے کے طور پر مندر لے گئے، تاہم سفر کے دوران اچانک ان کی طبیعت خراب ہو گئی اور تیز بخار کے باعث ان کا درجہ حرارت ایک سو تین سے ایک سو چار ڈگری تک پہنچ گیا، جس کے باعث وہ بے ہوش ہو گئے۔انہوں نے بتایا کہ اس وقت ڈاکٹر نے والدین کو مشورہ دیا کہ انہیں فوری طور پر دہلی منتقل کیا جائے کیونکہ اس دور میں وہاں مناسب طبی سہولتیں دستیاب نہیں تھیں، جس سے صورتحال مزید سنگین ہو گئی تھی۔