علی ظفر اور حمائمہ ملک نئی پاکستانی کرائم سیریز میں ایک ساتھ جلوہ گر ہوں گے

کراچی ( شو بز ڈیسک)پاکستان کے معروف گلوکار اور اداکار علی ظفر جلد ایک نئی کرائم سیریز کے ذریعے اداکاری کی دنیا میں واپسی کرنے جا رہے ہیں، جس میں ان کے ساتھ اداکارہ حمائمہ ملک بھی اہم کردار ادا کریں گی۔میڈیا رپورٹس کے مطابق بڑے بجٹ کی اس کرائم سیریز کی ہدایت کاری انس علی کریں گے، جبکہ علی ظفر اور حمائمہ ملک کے علاوہ فیروز خان اور سونیا حسین بھی اس منصوبے میں نمایاں کرداروں میں نظر آئیں گے۔علی ظفر نے گلوکاری اور اداکاری کے میدان میں اپنی منفرد پہچان بنائی ہے۔ وہ بالی ووڈ میں بھی کام کرچکے ہیں، جبکہ پاکستانی سینما میں ان کی فلموں کو بھی پذیرائی حاصل ہوئی ہے۔دوسری جانب حمائمہ ملک بھی کچھ عرصے کے وقفے کے بعد اسکرین پر واپسی کر رہی ہیں، جس کے باعث اس سیریز میں ان کی شمولیت بھی توجہ کا مرکز بن گئی ہے۔علی ظفر کے مداح طویل عرصے سے انہیں پاکستانی ڈراموں اور سیریز میں اداکاری کرتے دیکھنے کے خواہش مند رہے ہیں۔ اس سے قبل وہ سجل علی اور بلال عباس خان کے ڈرامے ’لہو‘ کا حصہ بننے پر آمادہ ہوئے تھے، تاہم بعدازاں وہ اس منصوبے سے الگ ہوگئے تھے۔اب نئی کرائم سیریز علی ظفر کی پاکستانی سیریز میں واپسی کا اہم موقع ثابت ہوسکتی ہے۔ تاہم سیریز کی ریلیز کی تاریخ اور کہانی سے متعلق مزید تفصیلات تاحال سامنے نہیں آئیں۔