علیزے شاہ، فلک شبیر اور سارہ خان کے درمیان بیان بازی، سوشل میڈیا پر نئی بحث چھڑ گئی

 لاہور( شو بز ڈیسک)پاکستانی شوبز انڈسٹری کی اداکارہ علیزے شاہ نے گلوکار فلک شبیر اور اداکارہ سارہ خان کے ساتھ میوزک ویڈیو کے تجربے سے متعلق بیان دے کر سوشل میڈیا پر نئی بحث کو جنم دے دیا ہے۔یہ معاملہ اس وقت شروع ہوا جب فلک شبیر نے ایک بیان میں خواتین کے مختصر یا جسم نمایاں کرنے والے لباس پر پابندی کی تجویز دی تھی اور اسے اپنی بیٹیوں کی تربیت کے حوالے سے معاشرتی اثرات سے جوڑا تھا۔اس بیان کے بعد علیزے شاہ نے دعویٰ کیا کہ جب انہوں نے ایک میوزک ویڈیو میں کام کیا تھا تو انہیں ایسے لباس پہننے کو کہا گیا جس میں وہ خود کو غیر آرام دہ محسوس کرتی تھیں۔علیزے شاہ کے اس مؤقف کے بعد سوشل میڈیا انفلوئنسر زویا شیراز نے ان پر تنقید کرتے ہوئے کہا کہ اداکارہ نے اپنی مرضی سے کام کیا تھا اور اب وہ محض توجہ حاصل کرنے کی کوشش کر رہی ہیں۔اس پر سارہ خان نے کمنٹ سیکشن میں ردعمل دیتے ہوئے انفلوئنسر کی رائے سے اتفاق کیا، جس کے بعد معاملہ مزید زیر بحث آ گیا۔بعد ازاں علیزے شاہ نے ایک اور ویڈیو جاری کرتے ہوئے سارہ خان کو مخاطب کیا اور کہا کہ دوسروں کے ساتھ رویہ رکھنے کا اثر بعد میں اپنی اولاد پر بھی پڑ سکتا ہے۔یہ تنازع اب سوشل میڈیا پر مختلف آراء اور بحث کا مرکز بنا ہوا ہے۔