ممبئی( شو بز ڈیسک)بالی وڈ کے معروف اداکار امیتابھ بچن کو اپنی ۸۴ویں سالگرہ کے موقع پر ایک کم عمر مداح سے ہاتھ نہ ملانے پر سوشل میڈیا صارفین کی تنقید کا سامنا ہے۔۱۱ اکتوبر کو اداکار اپنی سالگرہ کی روایت برقرار رکھتے ہوئے مداحوں سے ملاقات کے لیے باہر آئے۔ اس موقع پر چند بچے حفاظتی حصار عبور کرکے ان کے قریب جانے کی کوشش کرنے لگے، تاہم سکیورٹی اہلکاروں نے انہیں آگے بڑھنے سے روک دیا۔سوشل میڈیا پر گردش کرنے والی ویڈیو میں امیتابھ بچن ہاتھ جوڑ کر مداحوں کا استقبال کرتے دکھائی دیتے ہیں۔ اسی دوران ایک کم عمر لڑکی نے ان سے ہاتھ ملانے کی درخواست کی، جسے اداکار نے قبول نہیں کیا۔امیتابھ بچن نے مداحوں کی جانب سے پیش کیے گئے بڑے ہار کے ساتھ تصاویر بنوائیں، ہجوم کی طرف ہاتھ ہلایا اور محبت کے اظہار پر شکریہ ادا کرنے کے بعد واپس اندر چلے گئے۔ویڈیو وائرل ہونے کے بعد متعدد صارفین نے اداکار کے رویے کو نامناسب قرار دیتے ہوئے تنقید کی۔دوسری جانب امیتابھ بچن ان دنوں ٹیلی وژن پروگرام ’’کون بنے گا کروڑ پتی‘‘ کی میزبانی کر رہے ہیں۔ ان کے آئندہ منصوبوں میں رِبھو داس گپتا کی عدالتی ڈرامہ فلم ’’سیکشن ۸۴‘‘ بھی شامل ہے، جس کی نمائش نومبر ۲۰۲۶ء میں متوقع ہے۔اس کے علاوہ وہ ناگ اشون کی فلم ’’کلکی ۲۸۹۸ اے ڈی‘‘ کے اگلے حصے میں اشوتھاما کا کردار دوبارہ ادا کریں گے، جس کی نمائش ۲۰۲۷ء کے اواخر یا ۲۰۲۸ء میں متوقع بتائی گئی ہے۔
