امیتابھ بچن کا پریتی زنٹا سے دلچسپ شکوہ، سالگرہ کی مبارکباد کا جواب نہ ملا

ممبئی( شو بز ڈیسک) بالی وڈ کے لیجنڈری اداکار امیتابھ بچن نے معروف اداکارہ پریتی زنٹا سے سالگرہ کی مبارکباد کا جواب نہ دینے پر دلچسپ انداز میں شکوہ کردیا۔پریتی زنٹا کئی برس بعد مقبول کوئز پروگرام ’کون بنے گا کروڑ پتی‘ میں بطور مہمان شرکت کرنے جارہی ہیں، جہاں ان کی میزبان امیتابھ بچن سے ملاقات ہوگی۔ پروگرام کی نئی قسط کے جاری ہونے والے اعلان نے مداحوں کی توجہ حاصل کرلی ہے۔اعلان میں امیتابھ بچن پریتی زنٹا سے کہتے ہیں کہ انہیں اداکارہ سے ایک بڑا شکوہ ہے، جس پر شو میں دلچسپ گفتگو کا آغاز ہوجاتا ہے۔