بریڈ پٹ سے طویل قانونی جنگ کے بعد انجلینا جولی کا ذاتی زندگی پر کھلا اظہار

نیویارک( شو بز ڈیسک)مشہور ہالی ووڈ اداکارہ انجلینا جولی نے سابق شوہر اور اداکار بریڈ پٹ کے ساتھ طویل قانونی تنازع اور طلاق کے بعد پہلی بار اپنی ذاتی زندگی اور جذباتی کیفیت پر کھل کر گفتگو کی ہے۔حالیہ انٹرویو میں انجلینا جولی نے کہا کہ ان کے اندر مشکلات کا مقابلہ کرنے کی ہمت دوبارہ واپس آ رہی ہے، جو ایک وقت کے لیے کمزور پڑ گئی تھی۔انہوں نے بتایا کہ ماضی کے ایک مشکل دور میں وہ ذہنی طور پر کمزور ہو گئی تھیں، تاہم ان کے بچوں نے انہیں دوبارہ مضبوط بننے اور زندگی میں آگے بڑھنے کا حوصلہ دیا۔اداکارہ کے مطابق ان کے بچے اب بڑے ہو چکے ہیں اور وہ چاہتے ہیں کہ ان کی والدہ دنیا بھر کا سفر کریں، نئی سرگرمیوں میں حصہ لیں اور اپنے فیصلے خود کریں۔انجلینا جولی نے کہا کہ ان کے بچے انہیں سب سے بہتر سمجھتے ہیں اور مسلسل حوصلہ دیتے ہیں کہ وہ اپنی شخصیت کے مضبوط پہلوؤں کو دوبارہ اجاگر کریں، جو کچھ عرصے سے دب گئے تھے۔