لاہور( شو بز ڈیسک)پاکستان کے معروف ادیب، ڈرامہ نگار اور اداکار انور مقصود نے اپنے آخری اسٹیج ڈرامے ’’تھانہ نہ دھیم تھانہ‘‘ پیش کرنے کا اعلان کردیا۔کراچی میں پریس کانفرنس کرتے ہوئے انور مقصود نے بتایا کہ ان کا ڈرامہ ’’ہاؤس اریسٹ‘‘ آخری اسٹیج ڈرامہ ہونا تھا، تاہم حالات کے باعث انہیں ایک اور ڈرامہ لکھنا پڑا۔واضح رہے کہ 15 مارچ 2024ء کو انور مقصود نے اپنے اغوا سے متعلق گردش کرنے والی خبروں کی تردید کرتے ہوئے بیان جاری کیا تھا۔ اس موقع پر انہوں نے مداحوں اور احباب کی جانب سے تشویش اور فکر کے اظہار پر ان کا شکریہ بھی ادا کیا تھا۔انور مقصود پاکستان کے ممتاز ڈرامہ نگار، طنز و مزاح نگار، ٹی وی میزبان، اداکار، نغمہ نگار اور مصور ہیں۔ ان کا فنی کیریئر پانچ دہائیوں سے زائد عرصے پر محیط ہے۔ان کا تعلق ایک ادبی اور فنکار گھرانے سے ہے۔ ان کی بہنوں میں معروف ادیبہ فاطمہ ثریا بجیا، شاعرہ زہرا نگاہ اور زبیدہ طارق شامل ہیں۔انور مقصود کی سوانح حیات ’’الجھتے سلجھتے انور‘‘ کے نام سے شائع ہوچکی ہے، جس کی تقریبِ رونمائی کراچی میں منعقد ہوئی تھی۔
