کیلیفورنیا( ویب ڈیسک)ایپل نے اپنے پہلے فولڈ ایبل آئی فون ڈو کے علاوہ آئی فون 18 سیریز کے 2 ماڈلز بھی متعارف کرا دیے ہیں، جسے 2007 میں آئی فون کی آمد کے بعد تاریخ کی سب سے بڑی تبدیلی قرار دیا جا رہا ہے۔آئی پیڈ سے مشابہ ڈیزائن رکھنے والا فولڈ ایبل آئی فون پاسپورٹ کی طرح کھل کر اپنے حجم سے تقریباً دوگنا ہوجاتا ہے۔ایپل کے نئے چیف ایگزیکٹو جان ٹرنس نے 9 ستمبر کی شب ایک تقریب میں آئی فون ڈو پیش کرتے ہوئے کہا کہ یہ نئے ڈیزائن کے ساتھ تیار کیا گیا فون ہے، تاہم اس میں وہ تمام خصوصیات موجود ہیں جو صارفین آئی فون میں پسند کرتے ہیں۔انہوں نے کہا کہ ایپل نے کئی برس فولڈ ایبل ڈیزائن کو بہترین شکل دینے پر کام کیا۔ ان کے مطابق دیگر کمپنیوں کے تیار کردہ بعض فولڈ ایبل فونز ایسے محسوس ہوتے ہیں جیسے 2 فونز کو ایک ساتھ جوڑ دیا گیا ہو، جس سے انہیں استعمال کرنے کا تجربہ زیادہ اچھا نہیں لگتا۔
