ممبئی( شو بز ڈیسک)بالی ووڈ اداکار ارجن کپور ایک مداح کی جانب سے اجازت کے بغیر ویڈیو بنانے پر ناراض ہوگئے۔سوشل میڈیا پر گردش کرنے والی ویڈیو میں ارجن کپور اپنی گاڑی میں موجود تھے کہ ایک مداح نے ان سے تصویر کی درخواست کی۔ اداکار نے رضامندی ظاہر کی، تاہم مداح نے تصویر لینے کے بجائے ان کی ویڈیو بنانا شروع کردی۔ارجن کو جب اس کا علم ہوا تو انہوں نے مداح کو ویڈیو بنانے سے روک دیا اور تصویر لینے کا کہا۔ اداکار نے کھڑکی بند کرتے ہوئے ناراضی کے انداز میں کہا کہ ویڈیو کیوں بنا رہے ہو، تصویر بنالیں۔دوسری جانب ارجن کپور ان دنوں صاحبا بالی کے ساتھ تعلقات کی افواہوں کے باعث بھی خبروں میں ہیں، جو ملائکہ اروڑا سے مبینہ علیحدگی کے تقریباً دو برس بعد سامنے آئی ہیں۔
