لاہور( شوبز ڈیسک)پاکستانی اداکارہ عروبہ مرزا نے رکن صوبائی اسمبلی ثاقب چدھڑ سے منسوب انسٹاگرام پیغامات کے اسکرین شاٹس شیئر کرتے ہوئے دعویٰ کیا ہے کہ سیاستدان نے ان سے بھی متعدد بار رابطہ کرنے کی کوشش کی۔اداکارہ نے اپنی انسٹاگرام اسٹوریز پر مبینہ پیغامات کے اسکرین شاٹس جاری کیے، جن میں ثاقب چدھڑ کی جانب سے گفتگو شروع کرنے اور اسنیپ چیٹ پر رابطہ جاری رکھنے کی درخواستیں شامل ہیں۔عروبہ مرزا نے اسکرین شاٹس کے ساتھ لکھا کہ "مومنہ اقبال، سیدہ طوبیٰ اور اب میں بھی۔"یہ پوسٹ ایسے وقت سامنے آئی ہے جب ثاقب چدھڑ پہلے ہی ایک اور معاملے کے باعث خبروں میں ہیں، جس میں ان پر اداکارہ و میزبان سیدہ طوبیٰ کو تحفے میں آئی فون دینے کی پیشکش کا الزام لگایا گیا تھا۔دوسری جانب اداکارہ مومنہ اقبال بھی ثاقب چدھڑ کے خلاف قانونی کارروائی کر رہی ہیں۔مومنہ اقبال کی درخواست کے مطابق انہوں نے رکن اسمبلی پر سائبر ہراسانی، تعاقب، بلیک میلنگ اور شادی کی پیشکش مسترد کرنے کے بعد دھمکیاں دینے کے الزامات عائد کیے ہیں۔
