لاہور ( سپورٹس ڈیسک)پاکستان کے اسٹار ایتھلیٹ ارشد ندیم کی ٹوکیو آمد پر پاکستانی کمیونٹی نے پرتپاک استقبال کیا اور ان کے اعزاز میں عشائیہ دیا۔ تقریب میں جاپان میں پاکستان کے قائم مقام سفیر حسنین حیدر سمیت کمیونٹی کی اہم شخصیات نے شرکت کی اور ارشد ندیم کی قومی خدمات کو سراہا۔ ارشد ندیم نے میزبانوں کا شکریہ ادا کرتے ہوئے کہا کہ مشکل وقت میں کھلاڑی کی حوصلہ افزائی بھی کامیابی کے وقت ملنے والی پذیرائی جتنی اہم ہے۔ انہوں نے مزید 4 سے 5 سال کھیلنے اور پاکستان کیلئے مزید تمغے جیتنے کے عزم کا اظہار کیا۔
