کراچی( شوبز ڈیسک)فلمی دنیا کے معروف اداکار ارشد وارثی نے اداکارہ کنگنا رناوت کے اقرباء پروری سے متعلق مؤقف پر گفتگو کرتے ہوئے کہا ہے کہ فلمی خاندان سے تعلق رکھنے والے فنکاروں کے لیے بھی کامیابی کا حصول آسان نہیں ہوتا۔فلم ’’منا بھائی ایم بی بی ایس‘‘ کے اداکار ارشد وارثی نے بھارتی فلم صنعت کے مختلف معاملات پر اظہار خیال کرتے ہوئے کہا کہ بالآخر کسی بھی فنکار کی کامیابی کا انحصار اس کی صلاحیت اور فنی قابلیت پر ہوتا ہے۔ایک پوڈکاسٹ میں گفتگو کرتے ہوئے ارشد وارثی نے کہا کہ کنگنا رناوت نے فلمی صنعت میں اقرباء پروری کا مسئلہ اٹھایا، جس کے بعد اس موضوع پر خاصی بحث ہوئی۔ تاہم انہیں اس معاملے سے کوئی خاص پریشانی نہیں، کیونکہ بالآخر انسان زندگی میں کتنی ترقی کرے گا، اس کا تعین اس کی صلاحیت ہی کرتی ہے۔
