ممبئی( شو بز ڈیسک)بھارت کی آنجہانی لیجنڈ گلوکارہ آشا بھوسلے کا آخری فلمی گانا آئندہ ماہ ریلیز کیا جائے گا۔بھارتی ذرائع ابلاغ کے مطابق فلم سازوں نے اعلان کیا ہے کہ آشا بھوسلے کی آواز میں ریکارڈ کیا گیا آخری گانا آنے والی ڈرامائی مزاحیہ فلم ’’اوم کا ہری‘‘ میں شامل کیا جائے گا اور ان کی سالگرہ کے موقع پر 8 ستمبر کو جاری ہوگا۔’’اے میری زندگی، تو چھپی ہے کہاں‘‘ کے عنوان سے یہ گانا 2023ء کے اواخر میں ریکارڈ کیا گیا تھا۔ فلم ہریش ویاس کی ہدایت کاری میں باپ اور بیٹے کے تعلق پر مبنی ہے۔آشا بھوسلے نے سات دہائیوں سے زائد عرصے تک بھارتی فلمی موسیقی پر راج کیا اور 12 ہزار سے زیادہ گانے ریکارڈ کرائے۔ ان کے مشہور گیتوں میں ’’دم مارو دم‘‘، ’’پیا تو اب تو آجا‘‘، ’’چرا لیا ہے تم نے جو دل کو‘‘ اور ’’یہ میرا دل‘‘ شامل ہیں۔لیجنڈ گلوکارہ 12 اپریل کو 92 برس کی عمر میں انتقال کرگئی تھیں۔
