ناگویا (اسپورٹس ڈیسک) ایشین گیمز کے مینز کرکٹ ایونٹ میں کوارٹر فائنل مرحلے کی لائن اپ مکمل ہوگئی، پاکستان اور بھارت کی ٹیمیں کل میدان میں اتریں گی۔گروپ اے میں نیپال اور جاپان کا میچ بارش کے باعث مکمل نہ ہوسکا، جس کے نتیجے میں نیپال اور افغانستان نے کوارٹر فائنل میں جگہ بنالی، جبکہ میزبان جاپان ایونٹ سے باہر ہوگیا۔ نیپال اس سے قبل افغانستان کو شکست دے چکا ہے۔گروپ بی میں ملائیشیا اور عمان کے درمیان میچ بھی بارش کے باعث ایک گیند تک نہ ہوسکا، جس کے بعد ملائیشیا اور ہانگ کانگ نے اگلے مرحلے کیلئے کوالیفائی کیا۔کوارٹر فائنلز میں 28 ستمبر کو صبح 5 بجے پاکستان کا مقابلہ ہانگ کانگ سے ہوگا، جبکہ صبح 10 بجے بھارت اور افغانستان آمنے سامنے ہوں گے۔29 ستمبر کو صبح 5 بجے سری لنکا اور نیپال جبکہ صبح 10 بجے بنگلادیش اور ملائیشیا کی ٹیمیں مدمقابل ہوں گی۔
