لاہور ( سپورٹس ڈیسک)پاکستان ہاکی ٹیم ایشین چیمپئنز ٹرافی میں شرکت کیلئے بھارت جائے گی، جہاں پاکستان اور بھارت کے درمیان میچ یکم نومبر کو جالندھر میں کھیلا جائے گا۔بھارتی پنجاب کے وزیر اعلیٰ نے موہالی میں ایشین ہاکی چیمپئنز ٹرافی کے لوگو اور شیڈول کی تقریب رونمائی کے موقع پر یہ اعلان کیا۔ایشیائی ہاکی چیمپئنز ٹرافی 27 اکتوبر سے جالندھر اور موہالی میں شروع ہوگی، جبکہ ایونٹ کا فائنل 5 نومبر کو کھیلا جائے گا۔وزیر اعلیٰ بھارتی پنجاب اور بھارتی ہاکی فیڈریشن کے سیکرٹری بھولا ناتھ نے مشترکہ پریس کانفرنس میں بتایا کہ ٹورنامنٹ میں ایشیا کی 6 بہترین ٹیمیں حصہ لیں گی، جن میں پاکستان، چین، بھارت، جاپان، ملائیشیا اور کوریا شامل ہیں۔
