اسما عباس کا خواتین کی دوسری شادی سے متعلق بیان سوشل میڈیا پر زیرِ بحث

لاہور( شوبز ڈیسک) پاکستان کی معروف سینئر اداکارہ اسما عباس نے خواتین کی دوسری شادی سے متعلق اپنی رائے کا اظہار کرتے ہوئے کہا ہے کہ اگر کوئی عورت مالی طور پر خود مختار ہو اور اس کے بچے بھی ہوں تو اسے دوسری شادی کے فیصلے پر غور کرنا چاہیے۔سوشل میڈیا پر وائرل ہونے والے ایک کلپ میں اسما عباس نے کہا کہ شادی نہ کرنے کا فیصلہ آسان نہیں ہوتا، لیکن بعض خواتین مالی مشکلات یا سہارا حاصل کرنے کی ضرورت کے باعث دوبارہ شادی کا انتخاب کرتی ہیں۔اداکارہ کے مطابق بعض حالات میں دوسری شادی کے بعد بچوں کے ساتھ معاملات پیچیدہ ہو سکتے ہیں، جس سے گھر کے ماحول میں مشکلات اور پریشانیاں پیدا ہو سکتی ہیں۔ ان کا کہنا تھا کہ ایسی صورتحال میں ماں بھی ذہنی دباؤ کا شکار ہو سکتی ہے۔اسما عباس نے کہا کہ بعض اوقات بچے بڑے ہونے کے بعد اپنی والدہ کے فیصلوں پر سوال اٹھاتے ہیں، جس سے رشتوں میں فاصلے پیدا ہونے کا خدشہ ہوتا ہے۔انہوں نے مزید کہا کہ اگر عورت کے پاس تعلیم اور روزگار کا ذریعہ موجود ہو تو وہ اپنے بچوں کی ضروریات خود پوری کر سکتی ہے اور اسے کسی بیرونی سہارے پر انحصار کرنے کی ضرورت نہیں رہتی۔اداکارہ کا یہ بیان سوشل میڈیا پر بحث کا موضوع بن گیا، جہاں صارفین نے اس حوالے سے مختلف آراء کا اظہار کیا۔