کراچی( شوبز ڈیسک)شوبز کی دنیا میں ساتھی فنکاروں کے طنزیہ اور دلچسپ تبصرے اکثر تو مزاح کا سبب بنتے ہیں، لیکن کبھی کبھار یہ تلخی کا بھی باعث بن جاتے ہیں۔ سینیئر اداکارہ عتیقہ اوڈھو اپنی حسن و خوبصورتی کے ساتھ ساتھ ڈراموں اور ساتھی فنکاروں پر تنقیدی تجزیوں کے لیے بھی مشہور ہیں۔حال ہی میں عتیقہ اوڈھو ایک نجی ٹی وی شو میں مہمان کے طور پر شریک ہوئیں، جہاں میزبان نے ان سے کچھ اداکاروں کی تصاویر دکھائیں اور پوچھا کہ وہ انہیں کیا مشورہ دینا چاہیں گی۔ اس موقع پر اسکرین پر فہد مصطفیٰ کی تصویر ظاہر ہوئی، جس پر عتیقہ اوڈھو نے کہا کہ وہ مشورہ دیں گی کہ فہد کو اپنی عمر کی خواتین اداکاراؤں کے ساتھ کام کرنا چاہیے۔اس پر فہد مصطفیٰ نے ہنستے ہوئے جواب دیا کہ عتیقہ آپا شاید خود ان کی ہیروئن بننا چاہتی ہیں، اور وہ ضرور ان کے ساتھ کام کریں گے، تاہم انھیں تھوڑی مزید سرجری کی ضرورت ہوگی۔عتیقہ اوڈھو نے اس جواب پر اپنے آفیشل انسٹاگرام اکاؤنٹ پر مدبرانہ پوسٹ شیئر کی، جسے سوشل میڈیا صارفین نے بہت سراہا اور ان کی میچیور رویہ کی تعریف کی۔ یہ واقعہ شوبز کی دنیا میں دلچسپ اور مزاحیہ لمحے کے طور پر یادگار رہا۔
