آسٹریلیا، مکمل اے آئی سے تیار گانے میوزک چارٹس سے خارج کرنے کا فیصلہ

سڈنی( ویب ڈیسک) آسٹریلیا میں مکمل طور پر مصنوعی ذہانت سے تیار کیے گئے گانوں کو ملک کے سرکاری میوزک چارٹس سے خارج کرنے کا فیصلہ کیا گیا ہے۔آسٹریلین ریکارڈنگ انڈسٹری ایسوسی ایشن کے مطابق رواں ہفتے سے مکمل طور پر جنریٹو اے آئی کے ذریعے تیار ہونے والے گانے ’اے آر آئی اے چارٹس‘ میں شامل نہیں کیے جائیں گے۔تاہم ایسے گانے جن کی تیاری میں مصنوعی ذہانت کو صرف معاون ذریعے کے طور پر استعمال کیا گیا ہو اور بنیادی تخلیقی کام انسانوں نے انجام دیا ہو، انہیں میوزک چارٹس میں شامل ہونے کی اجازت ہوگی۔