لاہور ( سپورٹس ڈیسک)کرکٹ آسٹریلیا نے پاکستان کے خلاف ٹیسٹ سیریز کو تین سے بڑھا کر پانچ میچز تک کرنے میں دلچسپی ظاہر کردی۔کرکٹ آسٹریلیا کے چیف ایگزیکٹیو ٹوڈ گرین برگ نے کہا کہ پاکستان طویل ٹیسٹ سیریز کے لیے موزوں حریف ہے، کیونکہ آسٹریلیا میں پاکستانی تارکین وطن کی بڑی تعداد موجود ہے۔ ان کے مطابق آسٹریلیا پاکستان کی 5 ٹیسٹ میچز کے لیے میزبانی کرسکتا ہے۔ٹوڈ گرین برگ نے اگلی ورلڈ ٹیسٹ چیمپئن شپ میں 12 ٹیموں کی شرکت کو بھی حقیقت کے قریب قرار دیتے ہوئے کہا کہ دو سالہ چیمپئن شپ میں زمبابوے، افغانستان اور آئرلینڈ کو بھی شامل کیا جاسکتا ہے۔واضح رہے کہ پاکستان دسمبر 2027 میں آسٹریلیا کا دورہ کرے گا، جہاں دونوں ٹیموں کے درمیان 3 ٹیسٹ میچز کھیلے جانے ہیں۔
