نیویارک( شوبز ڈیسک) امریکی فنکار جسٹن گگناک نے گلوکارہ ٹیلر سوئفٹ اور ٹریوس کیلسی کی شادی کے مقام کے باہر سے جمع کیے گئے کچرے کو منفرد انداز میں پیش کر کے مہنگے داموں فروخت کر دیا۔غیر ملکی خبر رساں ادارے کے مطابق نیویارک کے فنکار جسٹن گگناک نے میڈیسن اسکوائر گارڈن کے اطراف سڑکوں سے مختلف اشیا اس وقت جمع کیں جب وہاں ٹیلر سوئفٹ اور ٹریوس کیلسی کی شادی کی تقریب جاری تھی۔فروخت کی جانے والی اشیا میں بوتلوں کے ڈھکن، کینڈی، پولیس کی وارننگ ٹیپ، اسٹرا، برتن اور ایک ایئر پوڈ شامل تھا۔ فنکار نے ہر چیز کو 25 ڈالر کی قیمت پر فروخت کے لیے پیش کیا، جو صرف 24 گھنٹوں کے اندر فروخت ہو گئیں۔جسٹن گگناک نے بتایا کہ زیادہ تر خریدار ٹیلر سوئفٹ کے مداح تھے، جو شادی سے متعلق کوئی یادگار چیز حاصل کرنا چاہتے تھے۔انہوں نے ان اشیا کو صرف کچرا نہیں بلکہ آرٹ کا نمونہ قرار دیا اور انہیں چھوٹے پلاسٹک کیوبز میں محفوظ کر کے پیش کیا۔فنکار کے مطابق وہ اب تک 50 اشیا فروخت کر کے 1250 ڈالر کما چکے ہیں، جبکہ مستقبل میں مزید اشیا فروخت کے لیے پیش کرنے کا بھی امکان ہے۔
