پورٹ آف اسپین(سپورٹس ڈیسک) قومی کرکٹ ٹیم کے کپتان بابر اعظم نے ویسٹ انڈیز کے خلاف دوسرے ٹیسٹ میں کامیابی کے بعد ٹیم کی کارکردگی پر اطمینان کا اظہار کیا ہے۔بابر اعظم نے کہا کہ پہلی اننگز میں عبداللہ شفیق نے شاندار بیٹنگ کی، جبکہ دوسری اننگز میں اسپنرز کی بہترین بولنگ نے کامیابی میں اہم کردار ادا کیا۔قومی کپتان کا کہنا تھا کہ پچ کی صورتحال کو دیکھتے ہوئے انہوں نے اور کوچ نے ٹیم میں تبدیلیاں کرنے کا فیصلہ کیا، جو میچ کے نتیجے میں فائدہ مند ثابت ہوا۔انہوں نے ٹیم کے کھلاڑیوں کی مجموعی کارکردگی کو سراہتے ہوئے کہا کہ تمام کھلاڑیوں نے کامیابی کے لیے اہم کردار ادا کیا۔
