کراچی( شو بز ڈیسک)پاکستانی اداکار ببرک شاہ نے انکشاف کیا ہے کہ ان کی اور سابق اہلیہ اداکارہ وینا ملک کی اب بھی ایک مشترکہ جائیداد موجود ہے۔ببرک شاہ کے مطابق دونوں نے اپنے کیریئر کے ابتدائی دور میں ایک ساتھ فلمی دنیا میں قدم رکھا تھا اور بعد ازاں ان کے درمیان تعلقات ازدواجی زندگی تک پہنچ گئے تھے۔ایک حالیہ پوڈکاسٹ میں گفتگو کرتے ہوئے انہوں نے بتایا کہ دونوں نے مل کر ایک پلاٹ خریدا اور اس پر گھر کی تعمیر شروع کی تھی، تاہم منصوبہ مکمل ہونے سے قبل ہی دونوں کے درمیان علیحدگی ہوگئی۔اداکار کے مطابق علیحدگی کے باوجود وہ اب بھی اس جائیداد میں برابر کے حصے کے مالک ہیں، اور اس معاملے میں کوئی بڑا تنازع سامنے نہیں آیا۔ببرک شاہ نے یہ بھی کہا کہ ان کی سابقہ اہلیہ وینا ملک کو اس مشترکہ ملکیت کے حوالے سے کبھی کوئی مشکل پیش نہیں آئی۔
