ممبئی( شو بز ڈیسک) بھارتی گلوکار اور ریپر بادشاہ اور ان کی اہلیہ ایشا رکھی نے شادی کے صرف 5 ماہ بعد باہمی رضامندی سے علیحدگی کا اعلان کردیا۔دونوں نے سوشل میڈیا کے ذریعے اپنے تعلق کے خاتمے کی تصدیق کرتے ہوئے مداحوں سے نجی زندگی کا احترام کرنے اور رشتے سے متعلق مزید قیاس آرائیوں سے گریز کرنے کی درخواست کی ہے۔بادشاہ نے انسٹاگرام پر جاری بیان میں کہا کہ انہوں نے اور ایشا رکھی نے باہمی رضامندی سے الگ ہونے اور اپنی اپنی زندگی میں آگے بڑھنے کا فیصلہ کیا ہے۔گلوکار کے مطابق یہ فیصلہ باہمی احترام کے ساتھ کیا گیا ہے اور اس معاملے پر ان کی جانب سے یہی واحد بیان ہوگا۔ ایشا رکھی نے بھی یہی بیان اپنی انسٹاگرام کہانی پر شیئر کیا۔دونوں کے درمیان اختلافات کی قیاس آرائیاں رواں برس جولائی میں اس وقت شروع ہوئی تھیں جب ایشا رکھی نے سوشل میڈیا پر چند مبہم پوسٹس شیئر کی تھیں۔
